අපේ පාසලේ ඉතිහාසය හා පසුබිම
Establishment & Backgroundඌව පළාතේ බදුල්ල දිස්ත්‍රික්කයට අයත් පස්සර අධ්‍යාපන කලාපයේ පිහිටි බ/ඉසිපතන ප්‍රාථමික විද්‍යාලය, ප්‍රදේශයේ දුවා දරුවන්ට මුල් ළමාවිය හා ප්‍රාථමික අධ්‍යාපනය ලබාදෙන ප්‍රමුඛතම රජයේ පාසලකි. 1 ශ්‍රේණියේ සිට 5 ශ්‍රේණිය දක්වා පන්ති කාමර සහිතව ක්‍රියාත්මක වන අප විද්‍යාලය, දරුවන්ගේ සාක්ෂරතාව, සංඛ්‍යාන හැකියාව, සාරධර්ම සහ නායකත්ව කුසලතා ගොඩනැගීමට නිරන්තරයෙන් ඇපකැප වී සිටී.
අධ්‍යාපන අමාත්‍යාංශයේ චක්‍රලේඛ අංක 31/2014 ("අපේ පාසල කොතරම් ගුණාත්මක ද?") ප්‍රමිති රාමුවට අනුකූලව පාසල් තත්ත්ව ප්‍රමිතිකරණයේදී ඉහළම ලකුණු ලබාගනිමින්, පාසල් අධ්‍යාපන ගුණාත්මක දර්ශකය (SEQI %) 86.6% ක් ලෙස රඳවා ගැනීමට අප පාසල සමත්ව ඇත. තවද ශ්‍රී ලංකාවේ ප්‍රථම වරට කෘත්‍රිම බුද්ධිය (AI) සහ WhatsApp-First තාක්ෂණය මුසු කරමින් දෙමාපියන් සහ පාසල අතර 100% ක් සෘජු විනිවිදභාවයක් සහිත සන්නිවේදනයක් ගොඩනැගීමට අපට හැකිවී තිබේ.
අපේ දැක්ම (Vision)
ගුණ නැණ බෙලෙන් සපිරි, ආදර්ශමත් සාරධර්ම සහිත, හෙට දින ලොව දිනන නිපුණතා පිරිපුන් ප්‍රාථමික දරු පරපුරක් දැයට දායාද කිරීම.
අපේ මෙහෙවර (Mission)
දරුවා කේන්ද්‍ර කරගත් සුහද ඉගෙනුම් පරිසරයක් තුළින්, නවීන තාක්ෂණය හා ප්‍රජා සහභාගිත්වය උපරිමයෙන් මුසු කර ගනිමින් ඉහළම ගුණාත්මක ප්‍රාථමික අධ්‍යාපනයක් සැලසීම.
"දරුවාගේ ප්‍රාථමික පදනම හෙට දින රටේ අනාගතයයි"
බ/ඉසිපතන ප්‍රාථමික විද්‍යාලය යනු හුදෙක් අකුරු උගන්වන ස්ථානයක් නොව, සෑම දරුවෙකුගේම සහජ කුසලතා හඳුනාගෙන ඔවුන් ආත්ම විශ්වාසයෙන් යුතු ගුණගරුක පුරවැසියන් බවට පත් කරන තෝතැන්නකි. අප ආචාර්ය මණ්ඩලය සහ දෙමාපියන් එකාවන්ව එක්වෙමින් දරුවන්ට හොඳම හෙට දවසක් තනා දීමට කැපවී සිටිමු.